Raunveruleikastjarnan Khloé Kardashian og körfuboltagoðið Tristan Thompson héldu steypiboð fyrir ófædda dóttur sína síðustu helgi. Verður þetta fyrsta barn parsins saman, en Tristan á eitt barn fyrir með fyrrverandi kærustu sinni, Jordan Craig.
Það má með sanni segja að bleiki liturinn hafi verið ríkjandi í boðinu, sem var haldið á glæsihótelinu Bel-Air í Los Angeles.
Í boðinu var til dæmis meira en nóg af bleikum blöðrum, risastórir fílar, sérgert neonskilti sem á stóð Baby Thompson og gullfallegar einhyrningakökur.
Óljóst er hvað herlegheitin kostuðu en að sjálfsögðu var allt Kardsahian-Jenner-klanið mætt, systurnar Kim, Kourtney, Kendall og Kylie og móðir þeirra, Kris Jenner.
Hér fyrir neðan má sjá nokkrar myndir af þessu glæsilega steypiboði.