Athafmaðurinn Reynir Grétarsson hefur verið áberandi í tengslum við þá hallarbyltingu sem stefnt var að í stjórn Sýn. Hann kom inn í fyrirtækið með stórfé en náði ekki kjöri í stjórn félagsins.
Hann mætti á dögunum í hlaðvarpsþáttinn Chat after Dark og fór á kostum í frásögn sinni af samskiptum sínum við Yoko Ono, ekkju John Lennon.
Leiðir þeirra lágu saman í heitum potti á Hilton Reykjavík Nordica. Yoko, sem verður níræð í febrúar, átti í nokkrum vandræðum með að standa upp úr pottinum og fóta sig. Reynir, sem er annálað góðmenni, studdi gömlu konuna þar til hún stóð traustum fótum á þurru.
„Þá vildi hún fara í gufuna. Hún var svolítið pirruð, var búin að hrekja burt aðstoðarfólkið sitt og svona,“ sagði Reynir. Málin þróuðust þannig að hann fylgdi henni inn í gufuna þar sem þau sátu lengi og spjölluðu. Að lokum var ákveðið að þau ættu stefnumót á sama stað daginn eftir. Reynir lýsir því að hann mætti á stefnumótið en Yoko lét ekki sjá sig …