Kanadískur auðkýfingur hefur nú keypt jörðina Horn í Skorradal; innan jarðarinnar er hið heimsþekkta fjall Skessuhorn.
Sá kanadíski vill byggja þar 1.000 fermetra villu og 700 fermetra gestahús.
Fjallið Skessuhorn er bæði heimsþekkt fyrir fegurð sína sem og afar vinsæl gönguleið fjallgöngumanna.
Eftir því sem Fréttablaðið segir þá eru kaupendur jarðarinnar og fjallsins hjón í yngri kantinum; eiginmaðurinn auðgaðist vel í tæknigeiranum. Hjónin keyptu jörðina með aðstoð umboðsmanns hjá félaginu Nordic Luxury.
Telur jörðin Horn 110 þúsund fermetra, og var hún sett á sölu í maí í fyrra; seldist á fjórum dögum.
Fyrir utan fjallið fræga þá liggja þrjár veiðiár um jörðina; Hornsá; Álfsteinsá og Andakílsá.
Kemur fram að ásett verð var 145 milljónir króna en jörðin var seld á 150 milljónir.
Deilur hafa staðið um fjallið en fyrri ieigendur bönnuðu gönguhópum að leggja bifreiðum sínum í grennd við eyðibýlið.
Ekkert íbúðarhús er á jörðinni; eitt af fjárhúsunum hefur þó verið gert upp sem íbúð og ekki stendur til að rífa nein önnur hús jarðarinnar.
Í febrúar síðastliðnum var gefið út byggingarleyfi fyrir tveimur byggingum; 1.000 fermetra húsnæði fyrir hjónin og líka 700 fermetra gestahús sem mun innihalda íþróttahús.
Framkvæmdir eru hafnar; en búist er við því að eiginleg bygging hefjist í apríl og ljúki árið 2025.