2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Kominn tími á nýtt sánd“

Í gær sendi tónlistarmaðurinn Páll Óskar frá sér nýtt lag, Djöfull er það gott, sem óhætt er að segja að sé sannkallaður sumarhittari. „Ég prófaði tólf mismunandi útgáfur af laginu, tólf texta og tólf viðlög þannig að það var talsvert lengi í vinnslu,“ segir hann, „en þetta er útkoman og ég gæti ekki verið ánægðari.“

Páll Óskar segist hafa notað tímann vel í samkomubanninu, hann hafi einfaldlega læst sig inni í hljóðveri og samdi mikið af nýrri tónlist.

Nýja lagið er töluvert frábrugðið fyrri tónlist hans, en það er ansi fönkað og með mikla sál – svo er það mjög sexí. Spurður hvort hann ætli að gera meiri tónlist af þessu tagi stendur ekki á svari: „Já, alveg klárlega, mér finnst þetta hrikalega skemmtilegt og það er kominn tími á nýtt sánd!“

Hægt er að hlusta á lagið og sjá myndbandið við það á Albumm.is.

Lestu meira

Annað áhugavert efni