Hlustunarpartí í dag

Skepna fagnar útgáfu plötunnar Dagar Heiftar og Heimsku í Lucky Records í dag, laugardaginn 1. júní klukkan 16.

Platan verður látin rúlla á staðnum og verða léttar veitingar í boði Borg Brugghús. Skepna stígur svo á stokk og spilar nokkur lög en platan verður til sölu á disk og vínylplötu sem sveitin áritar. Gleðin hefst klukkan 16 eins og fyrr segir og er ókeypis inn.

Formlegir útgáfutónleikar verða svo haldnir á Hard Rock 14. júní.