- Auglýsing -
Tónlistarkonan Sjana Rut og tónlistarmaðurinn Aaron Ísak, eða Kid Isak eins og hann kallar sig, voru að senda frá sér glænýtt jólalag. Lagið heitir Mér er sama um jólapakka.
Eins og kunnugt er sigraði Aaron Ísak Söngkeppni framhaldsskólanna 2019 og flutti lag Hinsegin daga 2019 og hafa þau Sjana verið vinir lengi en þetta er í fyrsta sinn sem þau vinna saman.
Sjana samdi lagið, tók það upp og pródúseraði en þau Aaron Ísak sömdu textann í sameiningu. „Við erum með mjög ólíkar raddir og söngstíl en okkur tókst að sameina það og þetta skemmtilega lag er útkoman,“ segir Sjana. Lagið er aðgengilegt á öllum helstu streymisveitum.