200 tonn af sýktu mjöli var selt til Englands árið 1987 en DV greindi frá málinu.
Greint er frá því í frásögn DV að salmonella hafi fundist í sýnum úr 200 lestum af mjöli sem hafði verið selt til Þýskalands en ekki hafi mátt selja það sýkt þangað til lands. Engar slíkar reglur um slíkt virðast hafa verið til staðar í Englandi en þangað var mjölið selt eftir að sýkingin kom upp og spurðu kaupendur ekki sérstaklega um hvort mjölið væri sýkt.
Ísólfur Sigurðarson, aðstoðarframkvæmdastjóri Síldarverksmiðju ríkisins á Siglufirði, vissi ekki hvort kaupendur hafi verið látnir vita.
„Menn eru alltaf á nálum út af þessu en illmögulegt virðist að koma í veg fyrir að salmonella komist í mjölið. Sérfræðingar telja að salmonellan berist í mjölið með fuglasaur en þrærnar eru alltaf fullar af fugli meðan á loðnubræðslunni stendur,“ sagði Ingólfur um söluna við DV.
Þá sagði Ísólfur að kröfur þeirra sem kaupa mjöl séu misjafnar. Sumir séu ekki til í sýkt mjöl en aðrir spyrja ekki að neinu og setja engar kröfur. Þá sagði hann einnig að það væri nær útilokað að koma í veg fyrir að fuglinn komist í loðnuna eða fiskúrganginn sem er bræddur.