2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Ég grenjaði úr hlátri“

Berglind Guðmundsdóttir, eigandi Gulur, rauður, grænn & salt, giftist sjáflri sér á ferðalagi um Ítalíu síðastliðið sumar. Hún sagði frá gjörningnum í viðtali við Vikuna í september og seinna í Íslandi í dag í viðtali við Völu Matt. Brúðkaup Berglindar og viðtalið við Völu Matt var tekið fyrir í Áramótaskaupinu á þriðjudaginn.

Berglind átti ekki von á að hún kæmi við sögu í Skaupinu en skemmti sér konunglega og hafði mikinn húmor fyrir túlkun leikkonunnar Dóru Jóhannsdóttur á sjálfri sér.

„Átti svo sannarlega ekki von á þessu óvænta twisti í áramótaskaupinu í kvöld – en svo sem bara í eðlilegu framhaldi við allt annað…og ég grenjaði úr hlátri,“ skrifaði Berglind á Instagram þriðjudaginn.

Hægt er að horfa á atriðið sem um ræðir hér, það byrjar á mínútu 29:53.

AUGLÝSING


Berglind prýddi forsíðu 35. tölublaðs Vikunnar í fyrra. Myndina tók Hallur Karlsson.

 

Ekki missa af þessum

Annað áhugavert efni

Nýjast á Mannlíf.is