„Ég held að það sjáist að við höfum lagt metnað í að gera Ísland að betra samfélagi fyrir alla“

Efnisorð

Deila

- Auglýsing -

Bjarni Benediksson, fjármála- og efnahagsráðherra, er bjartsýnn þrátt fyrir erfiða stöðu tengda COVID 19-heimsfaraldrinum. Hann segist trúa því að Íslendingar muni koma hraðar til baka heldur en flestar aðrar þjóðir meðal annars vegna þess að við höfum sjálfstæðan gjaldmiðil. Bjarni er mikill fjölskyldumaður, nýorðinn afi og hann notar útivist til að rækta líkama og sál.

 

Í viðtali við Mannlíf ræðir Bjarni stöðuna og framtíðina með tilliti til heimsfaraldursins, stjórnmálin og stjórnarsamstarfið, uppvaxtarárin, áhugamálin og nýja hlutverkið, afahlutverkið.

Bjarni Benediktsson
Mynd / Hákon Davíð Björnsson

Sumir hafa sagt í gegnum árin að líkja megi því við að Bjarni hafi fæðst með silfurskeið í munninum og að hann skorti þaf af leiðandi skilning á aðstæðum þeirra sem búa að annarri reynslu.

„Ég þekki engan sem er kominn á fullorðinsár sem ekki hefur þurft að takast á við einhverja erfiðleika.“

„Ég held að ég njóti góðs af því að hafa alist upp á hógværu og öruggu heimili. Ég gekk í gegnum sama skóla og íþróttastarf og aðrir og hef þurft að sækja árangur minn á mínum eigin forsendum. Þótt fjárhagslegt öryggi sé mikilvægt ver það ekki fólk fyrir áföllum í lífinu. Ég þekki engan sem er kominn á fullorðinsár sem ekki hefur þurft að takast á við einhverja erfiðleika. Ég hef auðvitað fundið fyrir því að fólk vísar í þennan bakgrunn minn til þess að halda því á lofti að mann skorti skilning á aðstöðu fólks. En ég hef eiginlega ekkert annað um þetta að segja en að fara fram á að ég verði dæmdur af verkum mínum. Og þegar fólk fer yfir það sem ég hef verið að beita mér fyrir, svo sem hvernig framlög til hinna ýmsu málaflokka hafa verið að þróast þann tíma sem ég hef verið hér í fjármálaráðuneytinu, þá held ég að það sjáist að við höfum lagt metnað í að gera Ísland að betra samfélagi, fyrir alla.“

Lestu viðtalið við Bjarna í helgarblaðinu Mannlíf.

- Auglýsing -

Athugasemdir

Lestu meira

Sigríður er fúl og niðurlægð

OrðrómurSigríður Andersen, alþingismaður Sjálfstæðisflokks og brotthrakinn dómsmálaráðherra, er til ófriðs í stjórnarsamstarfinu. Eins og kom fram í...