Erna Kristín Stefánsdóttir aktívisti um jákvæða líkamsímynd og guðfræðingur, er með um 17 þúsund fylgjendur á Instagram-síðu sinni, Ernuland.
Í nýjustu færslu sinni skrifar hún um við eigum ekki að brjóta okkur niður og að heilbrigði og óheilbrigði tengist ekki útliti og holdafari.
„Sama manneskjan. Sömu verðleikar,“ skrifar Erna Kristín og bætir við að fellingar hafi ekki áhrif á það.
„Fellingar draga ekki úr hamingju. Fellingar draga ekki úr verðleikum. Fellingar draga ekki úr glæsileika. Fellingar draga ekki úr þér.
Þegar þú segir við þig eða við aðra, eða jafnvel um þig við aðra að þú þurfir að breyta þér, grenna þig, missa nokkur kg, byrja í megrun, Þá fyrst ert þú að draga úr þér og öðrum.
Ekki misskilja. Hver velur fyrir sig. Akkurat þannig. Hver. Velur. Fyrir. Sig. En um leið og við brjótum okkur niður og aðra þá er enginn okkar að velja fyrir sig. Þá eru fordómar að velja fyrir okkur. Eflum okkur og fólkið í kringum okkur.
Lærum að heilbrigði/óheilbrigði tengist útliti og holdafari ekki á neinn hátt. Lærum að aðskilja þessi fyrirbæri. Lærum að heilbrigði er eitthvað sem við finnum milliveg í fyrir andlega og líkamlega líðan og lærum að útlit og holdafar kemur aðeins í mynd virðingar, ástar og samþykkis.
Lífið snýst ekki um megrun og þú ert svo miklu meira en bara útlit.“