2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Eyddi færslunni eftir að hafa fengið yfir sig holskeflu af gagnrýni

Myndatexti sem samfélagsmiðlastjarnan Karylle Banez birti á Instagram í gær hefur vakið mikla athygli. „Ef ég væri með kórónaveiruna þá veit ég á hvern ég myndi hnerra (dónalegu þjónustustúlkuna hérna),“ skrifaði Banez við mynd af sér sem tekin var á vínbarnum Leigh Street Wine Room.

Færsla Banez vakti mikla athygli en hún er með rúmlega 63 þúsund fylgjendur á Instagram. Margir fylgjendur hennar voru óhræddir við að láta hana heyra það.

Banez eyddi færslunni eftir að hafa fengið yfir sig holskeflu af skömmum og gagnrýni þar sem margir sökuðu hana um að gera lítið úr útbreiðslu COVID-19.

Áður en Banez eyddi færslunni sagði hún í athugasemd við myndina að afgreiðslustúlka Leigh Street Wine Room hefði verið afar dónalega við hana og ranghvolft augunum þegar hún óskaði eftir að fá drykkjarseðil.

AUGLÝSING


Sali Sasi, eigandi vínbarsins, segir Banez fara með rangt mál. Sasi segir Banez hafa fengið að smakka nokkur vín, látið taka myndir af sér og látið sig svo hverfa. Þessu er sagt frá á vef Mail Online.

Eins og áður sagði þá eyddi Banez færslunni en tók fram að þetta hefði verið saklaust grín.

Seinna birti Banez nýja mynd og sagði í kaldhæðni að henni þætti gaman þegar fólk sem þekkir hana ekki gagnrýnir hana á Netinu.

Lestu meira

Annað áhugavert efni

Nýjast á Mannlíf.is