Fimmtudagur 28. mars, 2024
-0.2 C
Reykjavik

Forðaðist að taka í hönd Boris Johnson

VefTv

- Auglýsing -

Hlaðvörp

- Auglýsing -

Sjónvarpsmaðurinn Philip Schofield segist hafa reynt að komast hjá því að taka í hönd Boris Johnson þegar hann mætti í morgunþátt ITV-sjónvarpsstöðvarinnar í morgun en Johnson hafi samt sem áður tekið í hönd hans.

Schofield segist hafa haft hendurnar niður með síðum til að sjá „hvað myndi gerast“ þegar forsætisráðherrann gekk inn í sett morgunþáttarins This Morning, sem Schofield stýrir ásamt Holly Willoughby, til að ræða aðgerðir bresku ríkisstjórnarinnar varðandi kórónaveirufaraldurinn Covid-19. Johnson lét sér fátt um finnast og tók í hönd Schofield sem spurði þá hvers vegna hann hefði gert það.

„Ég hef verið að ferðast milli sjúkrahúsa, eins og þú getur ímyndað þér og ég tek alltaf í hendurnar á fólki,“ svaraði forsætisráðherrann. „Fólk ákveður sjálft hvað það vill gera. Það er áhrifaríkast að þvo sér um hendurnar í staðinn fyrir að banna allar aðferðir við að heilsast.“

Þáttastjórnendurnir spurðu þá Johnson hvort hann hefði þvegið sér um hendurnar áður en hann kom inn í settið. „Ég þvoði mér um hendurnar,“ svaraði forsætisráðherrann. „Ég ráðlegg öllum að vera sífellt að þvo sér um hendurnar.“

Myndband af atvikinu má sjá á vef Independent.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -