2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Judi Dench á forsíðu breska Vogue – 85 ára og elsta forsíðufyrirsæta í sögu blaðsins

Leikkonan dásamlega Judi Dench prýðir forsíðuna á júnítölublaði bresku útgáfu tískublaðsins Vogue. Hún er elsta kona sem nokkurn tímann hefur prýtt forsíðu blaðsins og ekki nóg með það, þetta er í fyrsta sinn sem hún prýðir forsíðu tískublaðs.

„Þegar ég var ung voru leikkonur ekki forsíðufyrirsætur Vogue,“ segir Dench í forsíðuviðtalinu. „Þær urðu ekki frægar fyrr en þær voru orðnar „forngripir“.

Dame Judi segist alls ekki vera hrifin af því að eldast: „Mér líkar það alls ekki,“ segir hún í viðtalinu. „Ég hugsa ekki um það. Ég vil ekki hugsa um það. Þeir segja að aldur sé viðhorf  … það er hræðilegt.“

AUGLÝSING


Dóttir leikkonunnar, Finty Williams, segir myndatökuna hafa skipt Dench miklu máli. „Ég held að þetta með aldurinn hafi mikil áhrif á það hvað henni finnst um sjálfa sig og þetta gaf sjálfstrausti hennar nógu mikla innspýtingu til að hugsa ‘Ó, kannski er allt í lagi með mig ennþá’. Og eftir myndatökuna kom hún auðvitað heim og hélt bókstaflega að hún væri Beyoncé.“

Þótt Dench sé illa við aldurinn hefur hún þó alltaf verið óhrædd við að fara nýjar leiðir og prófa eitthvað nýtt. Hún fékk sér til dæmis húðflúr í fyrsta sinn 81 árs gömul og lét þá flúra ‘Carpe Diem’ – Gríptu daginn – á úlnliðinn á sér.

Blaðið er komið út og verður fáanlegt til niðurhals í rafrænu formi þann 7. maí.

Lestu meira

Annað áhugavert efni

Nýjast á Mannlíf.is

Nýjast á Gestgjafanum