2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Stefán Hilmarsson greindist með COVID-19: „Mér dettur einna helst í hug að þetta hafi komið af posa“

Hinn ástsæli söngvari Stefán Hilmarsson greinir frá því í viðtali við sunnudagsblað Morgunblaðsins í dag að hann hafi greinst með COVID-19 sjúkdóminn eftir skíðaferð til Selva á Ítalíu í febrúar. Hann hafi þó ekki orðið mikið veikur og aðrir í fjölskyldunni hafi ekki sýnt nein einkenni um smit.

Stefán segir í viðtalinu að þegar hann, eiginkona hans og synir lögðu af stað í ferðina hafi ekki verið búið að skilgreina svæðið sem hættusvæði en það hafi verið gert daginn sem þau komu þangað. Þau hafi þó haft mikinn viðbúnað til að forðast smit og hann hafi enga hugmynd um hvernig hann hafi smitast.

„Mér dettur einna helst í hug að þetta hafi komið af posa.“

„En mér dettur einna helst í hug að þetta hafi komið af posa. Við höfðum þó með okkur býsn af handspritti og klútum og reyndum að passa vel upp á okkur ytra. En maður fær ekki öllu varist,“ segir hann við Morgunblaðið.

Hann segist hafa farið að finna fyrir einkennum flensu fljótlega eftir heimkomuna: „Ég var vel slappur fyrst; með hita, hroll og hefðbundin flensueinkenni. Við vissum að við þyrftum öll í sóttkví við heimkomuna. Um leið og ég varð einkenna var, stúkaði ég mig af frá hinum að svo miklu leyti sem hægt var,“ segir hann.

AUGLÝSING


Sem betur fer lagðist sjúkdómurinn ekki þungt á Stefán og hann segist hafa verið fljótur að ná sér. Hann hafi verið orðinn hitalaus eftir fáeina daga en fundið fyrir þyngslum fyrir brjósti í nokkra daga eftir það. Hann fékk síðan greiningu sem sýndi að hann var smitaður af kórónaveirunni sem veldur COVID-19. Enginn annar í fjölskyldunni hefur sýnt nein einkenni sjúkdómsins.

Lestu meira

Annað áhugavert efni

Nýjast á Mannlíf.is

Nýjast á Gestgjafanum