2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kristín Sif minnist Brynjars: „Við elskum þig og gleymum þér aldrei“

Krist­ín Sif Björg­vins­dótt­ir, út­varps­kona á K100, hne­fa­leika­kona og cross­fitt­ari, minnist þess að í gær var eitt ár liðið frá andláti unnusta hennar og barnsföður, Brynjari Berg.

 

„Enn þá skrítið og óraunverulegt að þú ert ekki hér hjá okkur Brynjar,“ segir Kristín Sif. „Ótrúlegt að það sé komið heilt ár og svo margt sem hefur gerst en samt bara augnablik síðan. Við elskum þig og gleymum þér aldrei.“

Brynjar tók eigið líf og kom Kristín Sif að honum. Hefur hún verið opin og einlæg með andlát Brynjars, og sagði meðal annars í forsíðuviðtali Vikunnar í apríl að hún væri staðráðin í að sú reynsla bugi hana ekki. „Höggin dynja á okkur öllum í lífinu en maður má ekki láta þau rota sig, heldur standa á fætur og halda alltaf áfram.“

Mynd / Hákon Davíð Björnsson

AUGLÝSING


Krist­ín Sif seg­ist vera þakklát fyrir alla sem staðið hafa við bakið á henni og börnunum.

„Stundum hugsa ég að ég hef ekki náð að þakka öllum sem hafa staðið við bakið á mér og krökkunum nægilega mikið fyrir allt. Ég vil að þið öll vitið hvað ég er þakklát fyrir kærleikinn, stuðninginn, vináttuna, ástina, knúsin, spjöllinn, hláturinn, gráturinn og allt það sem þið hafið gefið mér. Ég og börnin erum svo sannarlega rík og umkringd góðu fólki og ég er virkilega þakklát fyrir ykkur öll.“

Ekki missa af þessum

Annað áhugavert efni

Nýjast á Mannlíf.is