Markmiðið var að komast í Skaupið

Efnisorð

Deila

- Auglýsing -

Fyrirlesarinn Alda Karen Hjaltalín segir það hafa verið markmið sitt að vera tekin fyrir í Áramótaskaupinu. Sá draumur rættist um áramótin þegar leikkonan Dóra Jóhannsdóttir fór með hlutverk Öldu í Skaupinu þar sem grín var gert að ráðleggingum hennar.

Alda Karen hefur mælt með því að fólk kyssi peninga til að kalla meiri peninga til sín. Þá hefur hún einnig mælt með því að fólk segi: „ég er nóg“ til að bæta andlega heilsu og líðan. Þessi ráð Öldu, sem féllu í grýttan farveg í fyrra, voru í aðalhlutverki í einu atriði Skaupsins.

En Alda er himinlifandi og segir í nýrri færslu á Facebook að árið 2016 hafi hún sett sér það markmið að komast í Áramótaskaupið einhvern tímann.

Alda er búsett í New York og gat þess vegna ekki horft á Skaupið fyrr en í gær. Hún segir það hafa verið súrrealískt að sjá einhvern leika sig í sjónvarpi. „Þau grilluðu mig og ég skellihló allan tímann. Ég elskaði þetta. Hún [Dóra Jóhannsdóttir] líktist mér líka svo mikið,“ skrifar Alda meðal annars.

Færsluna má sjá hér fyrir neðan.

- Auglýsing -

Athugasemdir

Lestu meira