2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Robert de Niro vill leika Andrew Cuomo: „Hann gerir það sem forseti ætti að gera“

Stórleikarinn Robert de Niro sparaði ekki stóru orðin þegar hann mætti í vídeóspjall hjá Stephen Colbert í spjallþættinum Late Night Show. Venju samkvæmt jós hann ókvæðisorðum yrir Donald Trump og frammistöðu hans í heimsfaraldrinum en átti hins vegar varla nógu sterk orð til að lýsa aðdáun sinni á Andrew Cuomo, borgarstjóra New York-borgar. „… hann stendur sig frábærlega,“ sagði leikarinn um Cuomo. „Hann gerir það sem hvaða forseti sem er myndi gera.“ Til að undirstrika aðdáun sína á Cuomo sagðist de Niro vera mjög spenntur fyrir því að leika hlutverk borgarstjórans ef gerð yrði mynd um kórónaveirufaraldurinn í framtíðinni.

Eins og vanalega kallaði de Niro Donald Trump „fávitann“ og sagði að Bandaríkjamenn hefðu farið mun betur út úr kórónaveirufaraldrinum ef „fávitinn“ hefði gert það sem þurfti að gera og hlustað á ráð vísindamanna og sérfræðinga.“

Síðar í þættinum bætti hann um betur og sagðist ekki eiga nein orð yfir það lengur að Repúblikanar og samstarfsmenn Trumps skyldu ekki stöðva hann af í vitleysunni og sagði að ástandið líktist leikriti eftir Shakespeare. „Það þorir enginn að standa uppi í hárinu á þessum náunga,“ sagði hann og spurði hvað gæti hugsanlega fengið þá sem starfa með honum til að fórna sál sinni fyrir að vinna með þessum djöfli. „Þetta er brjálæði,“ sagði de Niro og hristi höfuðið.

Lestu meira

Annað áhugavert efni

Nýjast á Mannlíf.is