2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Stelur senunni á rauða dreglinum

Það er tiltölulega stutt síðan bandaríski skemmtikrafturinn Billy Porter fór að vekja athygli á rauða dreglinum fyrir klæðaburð.

 

Ekki er nema rúmt ár síðan Porter mætti í einstökum jakkafötum með útsaumi og herðaslá með bleiku fóðri á Golden Globe-hátíðina og síðan þá hefur hann sífellt komið á óvart á hinum ýmsu hátíðum í einstökum og íburðarmiklum fatnaði.

Porter stal senunni á Grammy-hátíðinni núna í janúar þegar hann klæddist bláum samfestingi og bar þennan sérstaka hatt. Hatturinn var skreyttur með perlukögri sem var hægt að draga fyrir andlitið og frá.

Billy Porter klæddist þessum eftirtektarverða síðkjól úr flaueli á Óskarnum í fyrra. Hönnuðurinn, Christian Siriano, á heiðurinn af hönnuninni.

AUGLÝSING


Billy Porter á Met Gala í maí í fyrra. Hönnunartvíeykið The Blonds hannaði dressið sem Porter klæddist.

Þetta hvíta dress úr smiðju Alex Vinash varð fyrir valinu hjá Porter á Golden Globe-hátíðinni þetta árið. Hvíti slóðinn var skreyttur fjörðum og honum var hægt að renna af jakkanum. Skórnir eru frá Jimmy Choo.

Billy Porter mætti í þessum einstöku fötum á Golden Globe-hátíðina í fyrra. Fötin eru úr smiðju Randi Rahm.

Porter klæddist samfestingi, sem leit raunar út fyrir að vera kjóll, frá hönnuðinum Hogan McLaughlin á Critics’ Choice Awards í janúar. Fiðrildamyndirnar á húð hans vöktu athygli en Porter sagði þær vera tileinkaðar trans-samfélaginu og baráttu transfólks til jafnréttis.

Porter er hér í jakkafötum frá bandaríska hönnuðinum Michael Kors og með merkilegan hatt frá breska hönnuðinum Stephen Jones á Emmy-hátíðinni í september í fyrra.

Myndir / EPA

Lestu meira

Annað áhugavert efni

Nýjast á Mannlíf.is