Margrét Lillý Einarsdóttir, 17 ára viðmælandi Kompáss, segir fjölskyldu sína, barnavernd, skólakerfið og Seltjarnarnesbæ hafa brugðist sér.
Margrét segir sögu sína í nýjasta þætti Kompáss. Göng sem Kompás hefur undir höndum sýna að móðir Margrétar hefur glímt við áfengisfíkn og andleg veikindi. Margrét ólst upp hjá móður sinni og lýsir ásatandinu á heimilinu.
Hún rifjar m.a. upp þegar móðir hennar var sótt á heimili þeirra af lögreglu eftir að hafa lokað þær mæðgur inni dögum saman þegar Margrét var fimm ára. Móðirin var flutt á geðdeild og svipt sjálfræði og Margrét vistuð hjá móðurforeldrum. Skömmu síðan var Margrét komin aftur í umsjá móður sinnar.
Sævar Þór Jónsson, lögmaður Margrétar, segir ótrúlegt að ekki hafi verið gripið inn í. Hann segir kerfið hafi brugðist Margréti og einnig móður hennar.
Í samtali við Kompás segir Margrét þá m.a. frá því að hún hafi leitað aðstoðar hjá námsráðgjafa þegar hún var komin í gagnfræðiskóla en að það hafi ekki skilað neinum árangri. „Þetta var algjörlega hræðilegt tímabil fyrir mig,“ segir Margrét.
Umfjöllun Kompás má sjá í heild sinni á vef Vísis.