17 íslenskir dómarar heita yfirvöldum „trú og hlýðni“

Efnisorð

Deila

- Auglýsing -

Allir starfandi dómarar við Hæstarétt Íslands og Landsrétt hafa undirritað nýrri útgáfu drengskaparheits dómara þar sem þeir heita að „að halda stjórnarskrá lýðveldisins Íslands“. Þetta er í stað eldra drengskaparheits sem lofar að dómari verði „trú/r og hlýðin/n stjórnvöldum“ 17 starfandi héraðsdómarar hafa hins vegar undirritað heit um hlýðni við yfirvöld.

Þetta kemur fram í svari dómsmálaráðherra við fyrirspurn Jóns Þór Ólafssonar, þingmanns Pírata. Það er þó ekki þar með sagt að dómararnir 17 skuli sitja og standa í samræmi við óskir yfirvalda. Stjórnarskrá Íslands kveður á um að dómendur skuli einungis fara að lögum í embættisverkum sínum. Þá segir í lögum um dómstóla að dómarar séu sjálfstæðir í stöfum sínum og leysi þau af hendi á eigin ábyrgð.

„Það er afstaða ráðherra að dómurum beri í störfum sínum að halda trúnað við stjórnarskrá lýðveldisins og landslög öll. Það er ekki afstaða ráðherra að dómarar hafi trúnaðar- eða hlýðniskyldum að gegna gagnvart honum. Í því sambandi skal áréttað að í 2. gr. stjórnarskrárinnar er kveðið á um þrískiptingu ríkisvalds. Af því leiðir að ekki er á valdsviði ráðherra að gefa dómurum fyrirmæli um störf sín og bæri þeim engin skylda til að gegna slíkum fyrirmælum væru þau gefin. Texti í drengskaparheiti um að dómari heiti að vera stjórnvöldum landsins trúr og hlýðinn víkur fyrir ákvæðum stjórnarskrár og landslaga samræmist hann þeim ekki,“ segir í svari ráðherra til þingmanns Pírata um hvort ráðherra líti svo á að þeir dómarar sem ekki hafa undirritað nýtt drengskaparheit „skuli vera trúir og hlýðnir ráðherra?“

Ráðherra lítur ekki svo á að leysa þurfi héraðsdómara sem undirrituðu eldri útgáfu af drengskaparheiti undan því. Dómurum sé tryggt sjálfstæði í stjórnarskrá og lögum um dómstóla.

- Auglýsing -

Athugasemdir

Lestu meira

Sóley segir Vigdísi ljúga

Sóley Tómasdóttir, fyrrverandi borgarfulltrúi, kallar Vigdísi Hauksdóttur, borgarfulltrúa Miðflokksins, lygara. Það gerir hún í færslu á Facebook...

„Þingið þorði ekki í þetta sinn“

Frum­varp Pírata um af­nám refs­inga fyr­ir vörslu neyslu­skammta fíkni­efna var fellt á Alþingi aðfaranótt þriðjudags þegar 18 þingmenn...

Konur eru ekki uppá punt á Alþingi

„Það er stöðugt verið að reyna afvegaleiða umræðuna með beitingu þaulreyndrar kúgunar- og þöggunaraðferð valdhafanna. Þeirri aðferð...

Er ekki dúkkulísa

„Það er stöðugt verið að reyna afvegaleiða umræðuna með beitingu þaulreyndrar kúgunar- og þöggunaraðferð valdhafanna. Þeirri aðferð...