Miðvikudagur 27. mars, 2024
0.8 C
Reykjavik

Ægir barnaníðingur bauð sig fram í Svíþjóð: „Margir vissu að hann var hrifinn af litlum strákum“

VefTv

- Auglýsing -

Hlaðvörp

- Auglýsing -

Um helgina greindu fjölmiðlar bæði hérlendis og í Svíþjóð frá að Ægir Sigurbjörn Jónsson hafi verið dæmdur í tveggja og hálfs árs fangelsi fyrir kynferðisbrot gegn fjórtán ára dreng. Ægir hefur verið búsettur í Svíþjóð um nokkurt skeið og starfaði sem plötusnúður. Hann notaði þó yfirleitt listamannsnafn sitt, Damien Eie. Hann var nokkuð áberandi þar ytra og er hann til að mynda sagður einn af upphafsmönnum teknó í landinu á tónlistarvefnum Resident Advisor. Aftonbladed kallar hann þó einfaldlega partýreddara.

Hann vakti nokkra athygli í Svíþjóð þegar hann stofnaði Teknóflokkinn árið 2017 og vildi komast í borgarstjórn í Stokkhólmi í kosningum árið eftir. Helsta kosningabragð flokksins er heldur skuggalegt í ljósi dómsins, Ægir stofnaði og rak um skamma stund klúbb þar sem fólk var hvatt til að mæta nakið. Stuttu síðar var greint frá því að starfsmaður klúbbsins hafði verið dæmdur fyrir svo gróft ofbeldi gagnvart konu að því er líst sem pyntingum. Ægir sagði sjálfur í viðtali að það væri ekki í anda klúbbsins. Hann gat þó hvorki játað né neitað þegar hann var spurður um hvort klúbburinn gæti tryggt öryggi gesta.

Svo virðist sem flokkurinn hafi ekki skilað öllum gögnum og framboðið því ógilt. Þrátt fyrir það fékk flokkurinn 35 atkvæði í kosningunum og svo virðist sem öfgahægrimönnum sé enn illa við flokkinn. Í það minnsta er dómur Ægir nú vatn á myllu þeirra ef marka má framsetningu jaðarmiðilsins Nya tider.

Miðað við þessa lýsingu þá ætti það ekki að koma neinum á óvart að Ægir var vinmargur á Facebook. Veggur hans er galopinn og hrúgast þar inn fordæmingar. Enda var glæpur hans viðbjóðslegur. Samkvæmt sænskum fjölmiðlum kynntist hann piltinum í gegnum smáforritið Grindr. Hann braut svo gegn drengnum.

Þegar pilturinn reyndi að komast undan honum hótaði Ægir að hengja upp kynferðislegar myndir af drengnum utandyra hjá heimili hans. Því næst reyndi hann að kúga pening úr piltinum sem að lokum samþykkti að hitta hann í almenningsgarði. Þar réðst Ægir á hann og tók hann hálstaki.

Á Facebook-síðu hans eru tugir Svía sem ræða dóminn en Ægir kallar sig Damien Eie  þar.  Kona nokkur segir að það hafi verið svartur dagur fyrir sænska teknósenu þegar Ægir var dæmdur og hann eigi skilað að rotna í helvíti.

- Auglýsing -

Svo er áberandi hve margir hafa orð á því að þeir hafi heyrt slúður um að hann væri níðingur. Flestir virðast hafa túlkað það sem illkvittið slúður. „Margir vissu að hann væri hrifinn af „litlum strákum“, meira að segja þeir sem héngu með honum. Ég frétti það fyrir mörgum árum og var þó bara í heimsókn í Stokkhólmi. Ég vissi ekki hvort það var slúður eða ekki. Nú vitum við það,“ skrifar ein kona. Önnur segir að það hafi verið slúðrað um að hann hafi farið í ferðir til Taílands til að verða sér úti um drengi.

Önnur kona segir að sex ára barn sitt hafi lent í honum. „Því miður hefur þetta verið vitað frá tíunda áratugnum. Margir völdu að horfa fram hjá því. Sonur minn var sex ára þegar hann kom til mín og sagði mér hluti sem fengu mig til að tala ekki aftur við þennan kunningja,“ segir hún og bætir við að sem betur fer hafi honum ekki tekið ætlunarverk sitt.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -