2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Afleit vika hjá Þóri Sæmundssyni

Í hverju tölublaði tiltekur Mannlíf þá aðila sem átt hafa góða viku og slæma viku. Að þessu sinni eru það Þórir Sæmundsson og Guðfinna Th. Aðalgeirsdóttir sem komust á blað.

Slæm vika
Þórir Sæmundsson

Skipverjarnir á Bíldsey SH uppskáru reiði þjóðarinnar þegar þeir skáru sporð af lifandi hákarli sem hafði flækst í línu þeirra, af einskærum ótuktarskap að því er virðist. Ekki bara uppskáru þeir fordæmingu samborgara sinna heldur fengu þeir að taka sjópokann sinn.

Leikarinn Þórir Sæmundsson átti líka afleita viku því upp komst að hann hafði um árabil haldið úti aðgangi á Twitter undir dulnefninu Boring Gylfi Sig. Uppljóstrunin var síst til þess fallin að auka hróður Þóris sem fyrir tveimur árum var rekinn frá Þjóðleikhúsinu fyrir að senda dónamyndir til ungra stúlkna.

Góð vika
Guðfinna Th. Aðalgeirsdóttir

AUGLÝSING


Körfuboltalið KR svo gott sem tryggði sér sjöunda Íslandsmeistaratitilinn í röð þegar þrír af bestu leikmönnunum landsins skrifuðu undir samning um að leika með liðinu á næsta tímabili. KR toppar þó ekki Guðfinnu Th. Aðalgeirsdóttur sem afrekaði eitthvað sem enginn Íslendingur hefur afrekað, að fá heilan tind á Suðurskautslandinu nefndan í höfuðið á sér.

Guðfinna er prófessor í jöklafræði og missti af leiðangri þangað eftir að hún sleit hásin. Erlendir kollegar hennar, sem kölluðu Guðfinnu Tolly, voru þó ekki búnir að gleyma henni og nefndu tindinn Tolly’s Heel og hefur nafnanefnd Suðurskautslandsins samþykkt nafnið.

Ekki missa af þessum

Annað áhugavert efni

Nýjast á Mannlíf.is