Sólveig Anna Jónsdóttir, formaður Eflingar, var að sögn í skotlínu hinna meintu hryðjuverkamanna sem eru í gæsluvarðhaldi. Annar hinna grunuðu er að sögn hægriöfgamaður en hinn byssumaður. Sólveig hefur lýst þvík áfalli sem hún og fjölskylda hennar urðu fyrir vegna málsins sem óneitanlega er grafalvarlegt.
Viðskiptablaðið gerir sér mat úr þess en tekur upp í sömu andrá að sjálf hafi Sólveig Anna haldið úti aftökulista um árabil. Blaðið vitnar af þessu tilefni í bloggfærslu hennar Zero tolerance. „…þegar ég útbjó mér fyrst svona lista. Hann hét: Hverja myndi ég drepa. Á listanum voru aldrei fleiri en fimm, hér neyðist ég til að nota tölu, verkefnið þurfti að vera viðráðanlegt; sérvalin illmenni sem þvældust um veröldina og ollu uppnámi og hörmungum. Páfinn var ávallt á listanum, oftar en ekki í fyrsta sæti, aðrir færðust upp og niður, innaf og útaf …“. Sólveig segir að listinn gæti heitið „Listi hins blóðþyrsta barns“.
Penni Viðskiptablaðsins segir erfitt að kenna listann við skrif barns þar sem Sólveig Anna hafi verið fertug þegar hún skrifaði þetta og þar með ekki um „bernskubrék“ að ræða …
Athugasemdir