Föstudagur 29. mars, 2024
-0.2 C
Reykjavik

Áhugaverð hlaðvörp: „Fyrir alla sem kalla eftir byltingu“

VefTv

- Auglýsing -

Hlaðvörp

- Auglýsing -

Þingmaðurinn og píratinn Jón Þór Ólafsson er með brennandi áhuga á öllu sem viðkemur mannkynssögunni en er bæði með ADHD og lesblindu og segist því  fá útrás fyrir áhugann með því að hlusta á hlaðvörp sem fjalla um sagnfræði. Hvort sem það er saga Han-keisaraveldisins í Kína eða vestur-rómverska keisaraveldisins. Eftirfarandi þrjú hlaðvörp segir Jón Þór vera í mestu uppáhaldi.

Revolutions

„Fyrir alla sem kalla eftir byltingu þá mæli ég með þessu hlaðvarpi Mike Duncan en í því er farið yfir alls konar byltingar í mannkynssögunni, eins og frönsku byltinguna eða þegar þrælar tóku völdin á Haíti. Í nýjustu þáttunum er farið yfir það þegar bolsévikar tóku völdin í Rússlandi. Já, hlustið vel og vandlega á þetta hlaðvarp ef þið viljið byltingu. Ef það bólusetur ykkur ekki fyrir þeirri hugmynd þá lærið þið alla vega að gera það rétt.“

Slowburn

„Þetta er magnað hlaðvarp sem fer yfir hægfara uppbyggingu að ákæru þingsins á Nixon Bandaríkjaforseta vegna aðkomu hans að Watergate-hneykslinu. Nálgun á málið er frá ýmsum hliðum og oft persónulegum og notast við upprunalegar upptökur í bland við viðtöl við fólk, sem tók þátt í að rannsaka málið á sínum tíma hjá FBI og þinginu og eins fjölmiðlafólk sem ljóstraði upp, s.s. Bob Woodward hjá Washington Post og Lesley Stahl (síðar hjá 60 mínútum). Frábært hlaðvarp með viðkunnanlegasta þáttastjórnanda í hlaðvarpsheiminum.“

- Auglýsing -

The History of Rome

„Frábært verðlaunahlaðvarp úr smiðju fyrrnefnds Mike Duncan þar sem fjallað er með áhugaverðum hætti um vöggu vestrænnar menningar. Fyrsta hlaðvarpið sem ég varð áskrifandi að. Suma þættina hef ég hlustað á í á annan tug skipta og hef ekki tölu á því hversu oft ég hef sofnað út frá því í gegnum árin. Njótið.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -