Amma Hófí fór beint í fyrsta sætið

Kvikmyndin Amma Hófi eftir Gunnar Björn Guðmundsson með Eddu Björgvinsdóttur og Þórhalli Sigurðssyni, Ladda, í aðalhlutverkum rauk beint í fyrsta sæti aðsóknarlista kvimyndahúsanna eftir frumsýningarhelgina. Síðasta veiðiferðin er í þriðja sæti listans, en Mentor í því átjánda.

2,994 manns sáu Ömmu Hófí um frumsýningarhelgina, en alls hafa 3,726 manns séð myndina þegar forsýningar eru taldar með. Þetta mun vera í fyrsta sinn sem íslensk kvikmynd er frumsýnd í júlímánuði.

Sjá einnig: „Við ættum bara ekkert líf ef við hefðum ekki upplifað áföll“

Síðasta veiðiferðin heldur líka áfram að laða til sín áhorfendur, 1,205 manns sáu myndina í vikunni, enn fleiri en vikuna áður en þá voru áhorfendur hennar 1,095. Þetta var þrettánda helgin sem myndin er í sýningum og heildarfjöldi gesta er orðinn 29,427.

Þriðja íslenska kvikmyndin sem er í sýningum í kvikmyndahúsum er Mentor eftir Sigurð Anton Friðþjófsson sem situr í átjánda sæti listans, 77 manns sáu hana um helgina en alls hafa 518 manns séð hana eftir þriðju helgi í sýningum.

Aðsókn á íslenskar myndir 6.-12. júlí 2020

Vefsíðan Klapptré greinir frá.