Föstudagur 29. mars, 2024
-4.2 C
Reykjavik

Anna í smithættu á Tenerife: „Við ruddumst öll í skyndipróf til að kanna ástand okkar“

VefTv

- Auglýsing -

Hlaðvörp

- Auglýsing -

„Þá varð uppi fótur og fit meðal hinna farþeganna sem höfðum verið á bátnum og við ruddumst öll í skyndipróf til að kanna ástand okkar, ekki síst ég sem hafði fundið fyrir særindum í hálsi í gærmorgun,“ skrifar Anna Kristjánsdóttir vélstjóri sem býr í velllystingum á Tenerife sem hún kallar Paradís.

Anna lenti í bráðri smithættu um helgina þegar hún fór í bátsferð frá eyjunni. Á þeirri stundu var ekki vitað að einn farþeganna var smitaður af veirunni. Dóttir hans hafði greinst með sjúkdóminn á landamærunum.

„Ung stúlka kvaddi foreldra sína sem búa hér í Paradís síðastliðinn laugardag og hélt til Íslands. Við sýnatöku á landamærum reyndist hún vera með Covið smit og send í einangrun. Foreldrar hennar fóru í bátsferð ásamt fleiri Íslendingum á sunnudeginum og komust fyrir bragðið ekki í sýnatöku hérna fyrr en á mánudeginum,“ skrifar Anna.

Eftir sýnatökuna kom endanlega í ljós að allir farþegarnir voru neikvæðir, nema faðir stúlkunnar. Anna slær á létta strengi og segist vera nokkuð viss um neikvæðni sína.

„Ég vissi svo sem vel að ég væri neikvæð enda neikvæð og bölsýn að eðlisfari. Þar sannaðist enn og aftur hið fornkveðna: Þeir deyja ungir sem guðirnir elska, en lifa lengst sem lýðum eru leiðastir“.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -