Miðvikudagur 27. mars, 2024
-0.2 C
Reykjavik

Árásarmaður Kamillu hótaði barnsmóður: „Lem þig í klessu og nauðga þér þegar ég kem“

VefTv

- Auglýsing -

Hlaðvörp

- Auglýsing -

Maðurinn sem veittist að Kamillu Ívarsdóttur sem fjallað verður um í Kastljósi í kvöld hlaut dóm fyrr á þessu ári, nánar tiltekið í mars. Þá var hann dæmdur í árs fangelsi en gæsluvarðhald var dregið frá þeim dómi og því losnaði hann skömmu eftir að dómur féll. Mannlíf gerði tilraun til að ná tali af honum án árangurs.

Sjá einnig: Kamilla var föst með ofbeldismanni: „Ég var bara að bíða eftir fyrsta högginu“

Dómurinn yfir honum er langur og í mörgum liðum. Hann var dæmdur fyrir hrottalega árás gegn Kamillu Ívarsdóttur, þáverandi kærustu hans, en auk þess dæmdur fyrir brot gegn barnsmóður.

Hrottafengin árás

Maðurinn, sem er fæddur árið 1999, var dæmdur fyrir tvö atvik, bæði fyrir um ári síðan, sem vörðuðu Kamillu.  Í dómi segir um seinna atvikið:

„Aðfaranótt mánudagsins 19. október, á[…], veist með ofbeldi að fyrrverandi kærustu sinni, B, kt. [—], og veitt henni ítrekuð högg og spörk sem sérstaklega beindust að höfði en  einnig  búk,  ásamt  því  að  rífa  í  hár  hennar,  taka  hana  hálstaki  og  þrengja  að öndunarvegi sem var til þess fallið setja hana í lífshættu, allt með þeim afleiðingum að B hlaut  augntóftargólfsbrot  báðum  megin,  nefbeinsbrot,  opið  sár  á  höfði,  mar  og  marga yfirborðsáverka á höfuð, mar á háls, slímhúðar og punktalaga blæðingar í munnslímhúð, yfirborðssár í hársvörð og marga yfirborðsáverka og maráverka víðsvegar um líkamann.“

Hótaði barnsmóður

Hann var jafnframt sakaður um að ráðast  barnsmóður sína sumarið 2019. Hann var sýknaður af því en var þó sakaður um að hafa ráðist á hana meðan hann ók áleiðis í Heiðmörk. Hann var sagður hafa slegið og gripið í hana meðan hann ók. Hann var ákærður fyrir að hafa stöðvaði bifreiðina, hrifsað farsímann hennar og sparkaði honum út fyrir veg.

- Auglýsing -

Viku áður en hann réðst harkalega á Kamillu fyrir ári síðan sendi hann ítrekaðar hótanir á barnsmóður sína í gegnum Snapchat. Fyrir það hlaut hann dóm. Skilaboðin hljóðuðu svo: „Ég lem þig í stöppu“ og svo „Ég tek þig og lem þig í klessu og nauðga þér þegar ég kem.“

Að lokum reyndi hann að kenna henni um reiði sína: „Þú gerir sjálfri þér bara illt verra með þessu […] Ekki gera mig reiðan, af því ég verð reiður þangað til ég sé þig og þá sleppi ég henni út á þig“

Orðljótur  í glasi

Í dómi kemur fram að hann hafi neitað sök í yfirheyrslum lögreglu: „Í  skýrslu  ákærða  hjá  lögreglu  23.  október  2019  kvaðst  hann  hafa  rifist  við brotaþola í umrætt sinn en ekkert ofbeldi hefði átt sér stað milli þeirra. Hann var spurður á ný um atvik 20. nóvember 2019 og ítrekaði þá að það væri ekki réttað hann hefði kýlt hana en kaus að tjá sig ekki frekar um atvik.“

- Auglýsing -

Þegar hann var spurður út í mál barnsmóður sinnar af lögreglu síðar sagðist hann hafa verið ölvaður: „Sagði ákærði að brotaþola stafaði engin ógn af honum en þegar hann væri ölvaður missti hann stjórn á skapi sínu og segði hluti sem hann bæðist afsökunar á daginn eftir. Taldi hann  að  brotaþoli  væri  kannski „pínu  hrædd“ við  hann  þar  sem  hann  væri  orðljótur  í glasi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -