Sjálfur bókabíllinn í Reykjavík virðist orðinn vélarvana, enda leggur Borgarbókasafnið til að starfsemi bókabílsins Höfðingja verði lögð niður í drögum að nýrri fjárhagsáætlun.
Borgarbókasafnið glímir við „mikla hagræðingarkröfu og niðurskurð í fjárhagsramma ársins“ og því hafi verið lagt til bókabílinn yrði lagður niður með öllu, segir Pálína Magnúsdóttir borgarbókavörður í samtali við mbl.is.
Kemur fram að bókabíllinn sé orðinn 22 ára; þyrfti að endurnýja hann.
Segir Pálína að slík endurnýjun myndi kosta um 100 milljónir króna, samkvæmt útreikningum bókasafnsins:
„Það var ekki á döfinni að endurnýja hann, allavega ekki í ár. En við erum búin að biðja um þetta í nokkur ár.“
Einnig segir Pálína að hugmyndin sé sú að ef bílinn yrði endurnýjaður þá yrði reynt að endurreisa starfsemina; en málið er nú komið í hnút og ekki ljóst alveg strax hver örlög bílsins verða.