Bæjarstjóri Ísafjarðarbæjar, Arna Lára Jónsdóttir, var kjörinn ritari Samfylkingarinnar á landsfundi flokkisns í morgun; fékk hún sextíu prósent greiddra atkvæða.
Eftirfarandi orð lét Arna Lára falla þegar hún tilkynnti um framboð sitt í embætti ritara Samfylkingarinnar:
„Það eru miklar breytingar í kortunum hjá Samfylkingunni og við eigum mikil sóknarfæri. Ég sé að það séu spennandi breytingar framundan og við erum að fá nýjan formann sem mér finnst mjög spennandi. Ég tel að reynsla mín geti nýst í forystusveit flokksins og breikkað ásýnd hennar. Ég er mikil landsbyggðarkona; staðan er sú í mínu kjördæmi, Norðvesturkjördæmi, þá eigum við ekki þingmann og mér finnst það skipta máli að ásýnd flokksins sé þannig að landsbyggðin eigi sinn fulltrúa í æðstu stjórn flokksins.“
Alexandra Ýr van Erven, sem kjörin var ritari Samfylkingarinnar á síðasta landsfundi – árið 2020, var í framboði eins og Anna Lára, en þurfti að lúta í gras.