Bakslag hjá Víði: „Við hugsum til hans og óskum honum góðs bata“

Rögnvaldur Ólafsson aðstoðaryfirlögregluþjónn segir líðan Víðis Reynissonar ekki nægilega góða. Þetta kom fram á upplýsingafndi almannavarna í morgun.

„Eins og hjá mörgum sem eru að fara í gegnum þetta þá er dagarnir mis­jafnir og sveiflur. Það kom smá bak­slag hjá honum en þetta er samt á réttri leið hjá honum vonandi,“ sagði Rögn­valdur.

Víðir hefur nú verið veikur af COVID í níu daga. Rögnvaldur ræddi ekki nánar veikindi Víðis en sagði þó: „Við hugsum til hans og óskum honum góðs bata.“