- Auglýsing -
Banaslys varð norðan gatnamóta Kringlumýrarbrautar og Sæbrautar um klukkan 8 í morgun er rafmagnshlaupahjól og létt bifhjól rákust þar saman. Þetta kemur fram í tilkynningu frá lögreglu.
Ökumaður rafhlaupahjólsins lést og hinn slasaðist alvarlega en myrkur og blautt var á vettvangi. Maðurinn sem lést var á sjötugsaldri.
Samkvæmt Vísi er Lögreglan á höfuðborgarsvæðinu og rannsóknarnefnd samgönguslysa að rannsaka tildrög slyssins. Um er að ræða fyrsta banaslysið hér á landi þar sem rafhlaupahjól kemur við sögu.
Guðmundur Páll Jónsson, lögreglufulltrúi á höfuðborgarsvæðinu, segir í samtali við Vísi að málið sé í rannsókn. Meðal annars er til skoðunar hvort átt hafi verið við hjólin til að auka hraða þeirra.