2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Bandaríska barnið ekki sýkt af E.coli

Engin tilfelli af E. coli greindust í dag en í morgun voru rannsökuð saursýni frá 15 einstaklingum sem borist hafa undanfarna daga með tilliti til E. coli sýkinga og greindist enginn með sýkinguna. 

Þetta kemur fram á vef Landlæknis.

Þann 19. júlí sl. var greint frá einum einstaklingi sem var grunaður um sýkingu og reyndist hann vera sýktur af E. coli bakteríunni. Hann hafði borðað ís í Efstadal fyrir um þremur vikum og hafði auk þess umgengist sýktan einstakling fyrir 1-2 vikum. Um er að ræða þriggja og hálfs árs gamalt barn sem heilsast vel og verður í eftirliti á Barnaspítala Hringsins.

Bandaríska barnið grunað um E. coli sýkingu og fjallað hefur verið um á undanförnum dögum er hins vegar ekki með E. coli sýkingu samkvæmt rannsóknum í Bandaríkjunum.

Alls hafa því 22 einstaklingar greinst með E. coli sýkingu, þar af tveir fullorðnir og 20 börn. Annar hinna fullorðnu borðaði ís í Efstadal 8. júlí en enginn annar tengist Efstadal eftir 4-5. júlí en þá hófust fyrri aðgerðir sem miðuðu að því að rjúfa smitleiðir. Seinni aðgerðir í Efstadal hófust 18-19. júlí og eftir þann tíma hafa engir einstaklingar greinst.

AUGLÝSING


Rannsóknir í Efstadal hafa enn ekki sýnt með óyggjandi hætti hvernig E. coli sýkillinn barst í einstaklingana sem veiktust. Allir einstaklingarnir áttu það hins vegar sameiginlegt að hafa borðað ís í Efstadal fyrir utan eitt barn sem virðist hafa smitast af systkini.

Ekki missa af þessum

Annað áhugavert efni

Nýjast á Mannlíf.is