2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Bára í gervi erlends ferðamanns

Fjórir þingmenn Miðflokksins telja að Bára hafi dulbúist sem erlendur ferðamaður og þannig náð samtali þeirra á upptöku á Klaustur.

Þau Gunnar Bragi Sveinsson, Anna Kolbrún Árnadóttir, Sigmundur Davíð Gunnlaugsson og Bergþór Ólason, Þingmenn Miðflokksins, náðust öll á upptöku á Klaustri þann 20. nóvember. Þau vilja meina að Bára Halldórsdóttir, konan sem ber ábyrgð á upptökunni, hafi dulbúist sem erlendur ferðamaður til að ná upptökunni.

Bára Halldórsdóttir.

Þetta kemur fram í frétt á vef Vísis en fréttastofan mun hafa bréf undir höndum sem Reimar Pétursson, lögmaður þingmannanna, sendi Persónuvernd.

Í bréfinu kemur einnig fram að þingmennirnir séu vissir um að Bára hafi haft mikið fyrir því að vekja ekki athygli þingmannanna og að það sé engin tilviljun að hún hafi náð meiðandi ummælum þeirra á upptöku. Þau telja að hún hafi jafnvel ekki verið ein að verki.

AUGLÝSING


Í bréfi Reimars til Persónuverndar kemur einnig fram að þingmennirnir óska nú eftir að Persónuvernd afli myndefnis úr eftirlitsmyndavélum fyrir utan Klaustur.

Sjá einnig: Uppljóstrarinn af Klaustri stígur fram

Ekki missa af þessum

Annað áhugavert efni

Nýjast á Mannlíf.is