Barnastjarnan lifnaði við að kveldi

Meðal þeirra sem risu upp frá póli­tískum dauða eftir kosn­ing­arnar var Jóhann Páll Jóhanns­son, marg­verð­laun­aður blaða­maður, sem lengst af degi í gær var utan þings. Jóhann var í öðru sæti á eftir Helgu Völu Helga­dóttur á lista Sam­fylk­ingar í Reykja­vík norður. Eftir það sem hann kallar „rússi­ban­areið“ með jöfn­un­ar­sæti á kosn­inga­nótt varð hann loks­ins úti að morgni sunnu­dags.

Jóhann Páll tók þeim örlögum sínum af æðru­leysi, enda hefur hann marga fjör­una sopið. Hann á að baka glæsi­legan feril sem blaða­maður á Stund­inni. Áður var hann hann barna­stjarna eftir að hann söng lagið „Hvar er Guð­mundur?“. Jóhann lifði við það lengst af degi í gær að vera utan þings. En svo gerð­ist það ótrú­lega að kvöldi að það kom á dag­inn að kjör­stjórn í Norð­vest­ur­kjör­dæmi hafði klúðrað taln­ingu sem leiddi til þess að fjöldi jöfn­un­ar­manna fór á hreyf­ingu og Jóhann Páll datt í lukku­pott­inn, lifn­aði við, og er nú þing­maður. Kross­festur að morgni en reis upp að kveldi sem þing­maður …