• Orðrómur

Bessastaðamálið: Friðbjörn og eiginkonan áreitt af samstarfsmanni: „Við erum öll hætt“

Efnisorð

Deila

- Auglýsing -

Dalvíkingurinn Friðbjörn Beck Möller Baldursson er hættur störfum fyrir embætti forseta Íslands. Hann starfaði lengi sem umsjónarmaður fasteigna á Bessastöðum; bjó þar ásamt konu sinni. Um Haustið 2019 urðu Friðbjörn og kona hans fyrir kynferðislegri áreitni af hálfu samstarfsmanns í vinnuferð starfsfólks forsetaembættisins til Frakklands.

Fjallað hefur verið um málið í fjölmiðlum síðustu misserin, en sjálfur er Friðbjörn ósáttur við hvernig forsetaembættið vann úr málinu.

Í samtali við DV segir Friðbjörn að „forseti Íslands hefur hvað eftir annað lýst yfir stuðningi við þolendur í kynferðisbrotamálum og hefur lýst því yfir að hann standi fremur með þolendum en gerendum í slíkum málum. En hvar eru allir þolendur áreitisins sem kom upp hjá embættinu, við erum öll hætt.“

- Auglýsing -

Friðbjörn Beck.

Gerandinn í málinu var lengst við störf á Bessastöðum; starf hans hefur verið lagt niður. Allir aðilar sem tengjast kynferðisbrotunum áðurnefndu eru því allir hættir störfum: Friðbjörn og eiginkona hans sem maðurinn er sakaður um að hafa áreitt, konan sem maðurinn er sakaður um að hafa áreitt, og hinn meinti gerandi sjálfur.

Á sínum tíma gaf forsetaembættið gaf það út að málið hefði verið leyst í sátt og samlyndi á milli þolenda og geranda, en gerandinn fór í tímabundið leyfi en sneri síðan aftur til starfa. Í samtalinu við DV hafnar Friðbjörn því með öllu að málið hafi verið leyst í sátt:

- Auglýsing -

„Við gáfum okkur það í brúðkaupsafmælisgjöf þann 4. júlí að vera alflutt og sváfum þá fyrstu nóttina okkar á nýjum stað,“ segir Friðbjörn um hvarf sitt og konu hans frá Bessastöðum.

Ljóst er að mál þetta er hinn mesti álitshnekkur fyrir embætti forseta Íslands. Töluverð pressa hefur myndast á að embættið, forsetinn og þeir sem koma að stjórnun embættisins, komi fram og útskýri hvernig standi á því að allir sem tengdust málinu, þolendur og gerandi, hafi hætt, og hvernig það megi vera að opinber svör embættisins varðandi það að málið hafi verið leyst í sátt og samlyndi allra aðila, stangist á við það sem Friðbjörn sagði.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -