Miðvikudagur 27. mars, 2024
2.8 C
Reykjavik

Biggi vill drífa í breytingu verklags við skimun vegna COVID-19: „Væri ekki bara sniðugt?“

VefTv

- Auglýsing -

Hlaðvörp

- Auglýsing -

Birgir Örn Guðjónsson, Biggi lögga, spyr hvort það væri ekki sniðugt að breyta verklaginu hvað skimum í Keflavík varðar, þannig að allir sem koma til landsins fari í sóttkví áður en þeir fara í skimun.

„Dæmin sýna að þarf ekki marga til svo að litla samfélagið okkar lamist á ný. Höfum við efni á þeirri áhættu? Sýnist hver einasti dagur skipta máli,“ segir Biggi í færslu á Facebook.

Jafnframt bendir hann á sömu staðreynd og flestir, ef ekki allir, eigendur veitingastaða og skemmtistaða hafa bent á, að það er enginn tilbúinn að fara heim kl. 23.

„Væri ekki bara sniðugt að lengja opnunartíma bara og skemmtistaða?,“ spyr Biggi. „Það fer enginn heim klukkan 23 á björtu sumarkvöldi. Við verðum að horfast í augu við þá staðreynd. Fjörið færist bara í íbúðahverfin með tilheyrandi ónæði fram undir morgun en sömu áhættu og barirnir bjóða upp á,“ segir Biggi og leggur til að lengja opnunartíma til klukkan 1.

„Þá margfaldast líkurnar á að fólk segi þetta gott.“

Hann leggur líka til að fólk taki sig á í handþvotti og sprittun, sleppi jafnvel handaböndum og kossum í einhvern tíma.

- Auglýsing -

„Finnst við hafa misst smá fókus í þannig hlutum. Það er alveg millivegur á tveimur metrum og engum.“

Biggi segir sumarið hafa alla burði til að verða einstakt og ótrúlega eftirminnilegt, og segir það geggjað að við höldum áfram að njóta sumarsins.

„Grillum, dönsum og hlæjum. Förum í ferðalög. Kynnumst stöðum sem við höfum ekki séð lengi eða jafnvel aldrei. Notum tækifærið sem við fáum hugsanlega aldrei aftur til að ferðast án fjölmennis og nýta þá frábæru ferðaþjónustu og innviði sem búið er að byggja upp í fallega landinu okkar.“

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -