- Auglýsing -
Ungt par velti bifreið sinni í nótt eftir eltingarleik við lögregluna. Veltan átti sér stað í Árbænum í Reykjavík og var parið handtekið grunað um akstur undir áhrifum fíkniefna.
Þetta kemur fram í dagbók lögreglunnar á höfuðborgarsvæðinu. Í upphafi sinnti ökumaðurinn ekki stöðvunarmerki lögreglu og reyndi að komast undan. Þegar parið ók inn á afrein velti það bílnum sem er mikið skemmdur eftir veltuna.
Parið var í fyrstu flutt til aðhlynningar eftir bílveltuna en síðan var það handtekið. Eltingarleikurinn átti sér stað um klukkan hálf tvö í nótt.
- Auglýsing -