Birtir fyrstu myndina af litlu Chicago

Deila

- Auglýsing -

Raunveruleikastjarnan Kim Kardashian birti fyrstu myndina af dóttur sinni, Chicago á Instagram í gær, mánudaginn 26. febrúar. Rúmlega mánuður er síðan Kim og eiginmaður hennar, Kanye West, fengu Chicago í hendurnar en hún fæddist með hjálp staðgöngumóður.

Á myndinni sem Kim deildi eru þær mæðgur með sérstaka síu sem gerir það að verkum að þær eru með bangsaeyru og -nef, sem gerir myndina enn þá krúttlegri.

Þetta er ekki í fyrsta sinn sem heimurinn fær að sjá Chicago, en litla hnátan spilaði stóra rullu í meðgöngumyndbandi Kylie Jenner, systur Kim, sem hún birti fyrir stuttu. Í myndbandinu sést Kylie halda á frænku sinni þegar hún er nýfædd.

Chicago er þriðja barn Kim og Kanye en fyrir áttu þau dótturina North, fjögurra ára og soninn Saint, tveggja ára.

- Advertisement -

Athugasemdir