Föstudagur 23. september, 2022
6.8 C
Reykjavik

Björn segir þjóðina heilaþvegna: „Allt sem þeir koma nálægt ber með sér dauðann“

Helgarviðtalið

- Auglýsing -

Orðrómur

- Auglýsing -

Björn Birgisson, sem stundum er kallaður rödd alþýðunnar, leggst alfarið gegn því að Íslandsbanki verði einkavæddur. Hið sama eigi við um aðra banka í eigu ríkisins.

Björn gerir einkavæðingu bankanna að umtalsefni í færslu á Facebook. „Ríkið á ekki að reka banka! Ríkið á ekki að reka banka! Ríkið á alls ekki að reka banka! Það er búið að heilaþvo hluta þjóðarinnar með þessari margtuggnu haugalygi! Ríkið á einmitt að reka banka. Síðast var okkur bent rækilega á það haustið 2008 þegar einkavædda bankakerfið hrundi eins og spilaborg í roki. Bankakerfi sem ríkið hafði rekið án stóráfalla áratugum saman. Hvert var bjargráðið haustið 2008? Hver bjargaði því sem bjargað varð þá? Ríkið,“ segir Björn.

Hlustum ekki á frjálshyggjumennina – allt sem þeir koma nálægt ber með sér dauðann.

Birni líst afar illa á að nú eigi að fara endurtaka leikinn sem endaði svo illa með bankahruninu árið 2008. „Nú vilja glæpamennirnir í íslenskum stjórnmálum endurtaka leikinn. Einkavæða Íslandsbanka. Til að byrja með. Ekki þarf að efast um að draumur þeirra er svo að einkavæða Landsbankann þegar fram líða stundir. Það má aldrei verða,“ segir Björn ákveðinn og segir ljóst að hér hefði farið mjög illa í Covid-faraldrinum hefði verið búið að einkavæða heilbrigðiskerfið: „Þá væru dauðsföll hér talin í hundruðum, ef ekki þúsundum, en ekki fáeinum tugum.“

Björn segir það staðreynd að meðan allt leiki í lyndi geti einstaklingar ráðið við ýmislegt og makað krókinn í leiðinni. Það endi hins vegar alltaf á einn veg því frjálshyggjan sé í raun rotnandi lík. „Græðgin rekur þá alltaf út á ystu brún og steypir þeim svo ofan í hyldýpið. Hvert beinist þá ákallið um að bjarga? Alltaf að ríkinu – ríkissjóði allra landsmanna. Við skulum algjörlega skella skollaeyrum við áköllum íslenskra glæpamanna í stjórnmálum um að rífa eitt og annað úr ríkiseigu til að færa það sér líkum úti í þjóðfélaginu. Brennt barn lærir að forðast eldinn. Hlustum ekki á frjálshyggjumennina – allt sem þeir koma nálægt ber með sér dauðann. Frjálshyggjan er í óeðli sínu sem rotnandi lík í lest þjóðarinnar,“ segir Björn.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -