Laugardagur 4. desember, 2021
-5 C
Reykjavik

Blásaklaus strætóbílstjóri klagaður fyrir óviðeigandi þvaglát – „Blasti við okkur ófögur sjón“

Helgarviðtalið

- Auglýsing -

Orðrómur

- Auglýsing -

Bílstjóri strætisvagns sem stöðvaði Skerjafirði var klagaður fyrir að hafa kastað af sér vatni við göngustíg. Tanja Sif Hansen, sem var á gangi með börnum sínum, sex og átta ára, gekk framhjá bílastjóranum sem þá var að létta á sér. Getnaðarlimur hans blasti við Tönju og börnum hennar sem klagaði manninn til forsvarsmanna Strætó. Málið var þó ekki eins vaxið og ætla mátti.  

Guð­mundur Heiðar Helga­son, upp­lýsinga­full­trúi Strætó, staðfesti klögumálið í samtali við Fréttablaðið og var mikið niðri fyrir. „Ég var að heyra um þetta fyrir svona klukku­stund“ segir Guð­mundur Heiðar við blaðið.

Tanja Sif lýsti einnig atvikinu. „Þegar við vorum komin fyrir hornið á vagninum blasti við okkur ó­fögur sjón,“ segir hún og áréttar að bíl­stjórinn hafi ekki farið leynt með athafnir sínar og að kyn­færi hans hafi verið sýni­leg. Hún efast um að þau börnin þori í ein í strætis­vagn eftir at­vikið.

„Ég meina, maðurinn sneri í áttina að hlaupa­stígnum, honum var alveg sama og væntan­lega að bíða eftir að vera gómaður,“ segir Tanja Sif.

Fjölmiðlafulltrúinn segir málið í rann­sókn hjá fyrir­tækinu og að þetta sé auð­vitað ekki sam­kvæmt starfs­reglum. Þá sé klósettað­staða fyrir starfs­menn á þessari enda­stöð í Skerja­firði.

Að sögn Guð­mundar sé þetta ó­skiljan­legt og hann hafi verið hálf orð­laus þegar hann las kvörtunina. Skömmu síðar hafði hann samband við Fréttablaðið og upplýsti að sá sem kastaði af sér vatni hafi verið farþegi en ekki bílstjóri. Þetta var því ekkifrétt dagsins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -