- Auglýsing -
Bókasafn Kópavogs býður börnum nú að lesa fyrir hunda á safninu. Um er að ræða hunda sem hafa fengið sérstaka þjálfun í að hluta á upplestur og er markmiðið að hvetja börn til yndislesturs.
Fulllbókað var á síðasta viðburð og skráning hafin á þann næsta sem fram fer 5. október næstkomandi. Níu börn komast að hverju sinni og fer skráning fram á netfanginu [email protected]. Það kostar ekkert að taka þátt.
Árið 2016 bauð Borgarbókasafnið upp á sama viðburð og það var einnig unnið í samstarfi við félagið Vigdísi, vinir gæludýra á Íslandi. Þá voru haldnar sex slíkar lestrarstundir með hundum og mældist vel fyrir.