Bráðum má brenna fólk í Garðabæ: Önnur bálstofan sem reist er á Íslandi

Bál­stofa verður bráðum reist í Rjúpna­dal í Garðabæ. Sýslumaður­inn á höfuðborg­ar­svæðinu hef­ur veitt Tré lífs­ins samþykki fyr­ir staðsetn­ingu og skipu­lagi stof­unn­ar. Bálstofan og minningargarður verður reist norðan við Víf­ilsstaðavatn.

Í til­kynn­ingu frá Tré lífs­ins á heimasíðu félagsins, trelifsins.is, segir að nú sé hægt að halda áfram með verk­efnið, en félagið að því á síðustu sex ár, og hefja form­lega fjár­mögn­un þess.

Aðstaða verður um 1.500 fer­metr­ar að stærð og mun hún hýsa at­hafna­rými, kyrrðarrými, kveðju­rými og bál­stof­una.

Bent er á að í minn­ingag­arðinum verður hægt að gróður­setja ösku ásamt trjám sem vaxa munu upp til minn­ing­ar um ást­vini sem horfnir eru á braut.

Þetta verður einungis önn­ur bál­stof­an sem reist er á Íslandi, en fyr­ir er bál­stofa við Foss­vogs­kirkju.