Miðvikudagur 29. júní, 2022
14.8 C
Reykjavik

Breytingar verða á réttindum sjúklinga sem beittir eru nauðungarvistun

Helgarviðtalið

- Auglýsing -

Orðrómur

- Auglýsing -

Heilbrigðisráðherra hefur ákveðið að verða við kalli Alþingis um breytingar á lögum um réttindi sjúklinga varðandi beitingu nauðungar. Að ósk hans hefur frumvarpið því verið tekið af dagskrá þingsins og mun hann setja á fót samráðshóp sem mun koma með tillögur og breytingar á frumvarpinu, segir á vef stjórnarráðsins.

Eftirtöldum aðilum verður meðal annarra boðið að tilnefna fulltrúa í samráðshópinn:

  • Geðhjálp
  • Hugarafli
  • Landsambandi eldri borgara
  • Þroskahjálp
  • Öryrkjabandalaginu

Frumvarpið var lagt fyrir Alþingi á síðasta löggjafarþingi vegna athugasemda sem umboðsmaður Alþingis gerði í kjölfar eftirlitsheimsókna á lokaðar deildir geðsviðs Landspítala haustið 2018 á grundvelli svokallaðs OPCAT-eftirlits. Einnig var með frumvarpinu brugðist við athugasemdum frá nefnd Evrópuráðsins um varnir gegn pyndingum sem hefur ítrekað bent á skort á skýrum lagaramma er viðkemur beitingu hvers kyns nauðungar á heilbrigðisstofnunum hér á landi, ekki síst til að draga úr hættunni á beitingu ómannúðlegrar meðferðar.

Frumvarpið var tekið til umfjöllunar í velferðarnefnd en náði ekki fram að ganga. Velferðarnefnd lagði til nokkrar breytingar á frumvarpinu og var því breytt til samræmis við þær og lagt fram á Alþingi nú á vorþingi. Hefðbundið samráð var viðhaft við undirbúning frumvarpsins, og var það almennt mat þeirra sem tóku þátt í samráðsferli um það og skiluðu inn umsögnum að frumvarpið feli í sér mikilvæga réttarbót fyrir sjúklinga með skýrari lagaumgjörð um hvaða skilyrði m.a. varðandi verklag, skráningu og eftirlit þurfi að uppfylla ef ekki verður hjá því komist að beita þvingaðri meðferð í heilbrigðisþjónustu.

Ljóst er að frumvarp til breytinga á lögum um sjúklinga sem lýtur að nauðung verður ekki lagt fyrir Alþingi fyrr en næsta haust, að undangengnu því samráðsferli sem ráðherra hefur nú ákveðið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -