Brotist inn í bílinn hjá Dorrit: „Verð­mætasti hluturinn var þó skilinn eftir“ – Sjáðu myndina!

Dor­rit Moussa­i­eff fyrr­verandi for­seta­frú Ís­lands, varð fyrir leiðindum í gær­kvöld þegar brotist var inn í bíl Dorritar, fyrir utan Mayfair-hótelið í London.

Það er sjálf Dor­rit sem segir frá inn­brotinu og birti mynd á Insta­gram, þar sem má sjá ummerki vegna innbrotsins. Einnig hér.

Greinilegt að þrjótarnir hafa brotið rúðu til að komast inn í bílinn og í per­sónu­lega muni Dor­ritar.

Hún virðist þó ekki kippa sér mikið upp við innbrotið, og segir þjófana hafa skilið verð­mætasta hlutinn eftir.

„Verð­mætasti hluturinn var þó skilinn eftir, ís­lenska vatnið,“ skrifar Dor­rit á Insta­gram.