• Orðrómur

Bryndís Schram um dóttur sína „Boraði sig með nefinu einhvernveginn inn á brjóst mín“

Efnisorð

Deila

- Auglýsing -

Sjónvarpsstjarnan og sendiherrafrúin fyrrverandi, Bryndís Schram, fer ómjúkum höndum um Aldísi Baldvinsdóttur, dóttur sína, í bók sinni Brosað í gegnum tárin. Aldís hefur sakað föður sinn, Jón Baldvin Hannibalsson, um kynferðisbrot gagnvart sér. Bryndís telur það vera upplognar sakir og svo langt er gengið að Jón Baldvin hefur dregið dóttur sína fyrir dómstóla og vill að hún verði dæmd fyrir meiðyrði í sinn garð. Bryndís hafnar algjörlega ásökunum Aldísar og allra þeirra kvenna sem sakað hafa mann hennar um áreiti eða ósæmilega framkomu. Allt er þetta uppspuni, samkvæmt bókinni.

Bók Bryndísar er á köflum listilega vel skrifuð  og skemmtileg þar sem hún rifjar upp af gleði og frásagnargleði atburði frá langri og fjölbreyttri lífsleið. En þar sem kemur að Aldísi og öðrum þeim konum sem lýst hafa áreiti Jóns Baldvins dimmir yfr textanum og dóttir hennar fær á baukinn. Bryndís tekur upp hanskann fyrir mann sinn og lýsir því í smáatriðum að dóttir hennar glími við geðveiki. Þar á meðal er ógeðfelld lýsing á því að hún hafi heimsótt Aldísi á geðdeild þar sem hún skreið upp í fang móður sinnar og „boraði sig með nefinu einhvernveginn inn á brjóst mín“.  Bryndís talar um óhugnanlega lífsreynslu og þarna hafi verið sjúkleg þrá Aldísar að verða aftur barn. Umfjöllun Bryndísar um dóttur sína er gríðarlega harkaleg og ónærgætin.

Bryndís telur sig hafa skýringar á hatri dóttur sinnar. Aldís hafi sem barn og unglingur helst viljað vera hjá stórkaupmanninum, afa sínum, og ömmu, sem lifðu í allsnægtum og hafi getað veitt stúlkunni meira en fátækir foreldrarnir. Svo er að skilja að rót haturs liggi þarna.

- Auglýsing -

Fjölskylduharmleikur þeirra Jóns Baldvins og Bryndísar er nú sem fyrr fyrir allra augum. Bók Bryndísar er trúlega innlegg í að auka enn á harminn. Það bíður dómstóla að kveða upp úr um það hvort Jón Baldvin sé fórnarlamb dóttur sinnar. Þá er meint kynferðisbrot hans einnig fyrir dómstólum. Nýlegur úrskurður persónuverndar kveður upp úr um að Hörður Jóhannesson, yfirlögregluþjónn í Reykjavík, hafi brotið gegn Aldísi með því að afhenda föður hennar upplýsingar um samskipti hennar og lögreglu. Ekki liggur fyrir hvernig lögreglan axlar ábyrgð af því.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -