• Orðrómur

Brynjar segir daga ÁTVR vera liðna: „Mjög kvalarfullt fyrir stóran hóp landsmanna“

Efnisorð

Deila

- Auglýsing -

Brynjar Níelsson, þingmaður Sjálfstæðisflokksins, telur að dauðastríð ÁTVR sem einokunarverslunar í sölu áfengis, sé hafið. Dómsmálaráðherra lagði nýverið fram frumvarp sem veitir brugghúsum leyfi til að selja eigin framleiðslu og nýlega hafa gert sig gildandi aðilar sem selja áfengi í netsölu með hýsingu vefverslunar erlendis.

Íslendingar hafi hins vegar lengi haft einokunarblæti og óttist það mest að einkaaðilar gætu grætt á því sem ríkið hefur áður haft einkaleyfi á. Í nýjum pistli Brynjars hefur hann meðal annars þetta um málið að segja:

„Við Íslendingar höfum verið miklir ríkiseinokunarsinnar alveg frá því að við vorum með ríkiseinokun á sölu á síld þegar við urðum sjálfstæð þjóð. Venjulega verið mjög kvalarfullt fyrir stóran hóp landsmanna í hvert sinn sem einokun hefur verið aflétt. Sumir eru ekki enn búnir að ná fullum bata eftir að ríkiseinokun á ljósvakamiðlum var aflétt.

- Auglýsing -

Ástæður fyrir þessu ríkiseinokunarblæti eru nokkrar. Algengust er óþol margra yfir því að einhver geti hagnast enda litið svo á að hagnaður sé á kostnað allra hinna. Þeir sömu, og margir aðrir, halda einnig að lýðheilsa þjóðarinnar og menning hennar sé í hættu ef aðrir en ríkisstarfsmenn sinni þjónustunni.

Á hinu háa Alþingi eru menn enn fastir í þessari úreldu hugmyndafræði þótt meðalaldur á þinginu hafi aldrei verið lægri.“

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -