Tónlistarsnillingurinn Bubbi Morthens ritaði sterka færslu á Facebook-síðu sinni, þar sem kappinn sendir sterk og flott skilaboð til fylgjenda sinna.
Bubbi hefur gengið í gegnum dimma dali á sinni ævi, en einnig hefur Skaparinn leyft honum að hvílast á grænum grundum; oft hefur Bubbi tjáð sig sig um dópið og djammið.
Í dag lifir kóngurinn Bubbi heilbrigðum lífsstíl, sem hann kemur hann inn á í færslu sinni.
„Ég fer í líkamsrækt 5-6 sinnum í viku, ég borða oftast mjög hollt, fasta frá 18-6, reyni að sofna snemma og vakna snemma.“
Bætir við:
„Ég er hreinn, reyki ekki, dópa ekki og drekk ekki áfengi,“
Bubbi segist hafa áhyggjur af aukinni áfengisdrykkju Íslendinga.
„Þjóðin er að auka drykkju sína á áfengum drykkjum. Við skulum muna að drykkja gerir engum gott, það er einfaldlega óhollt. Alkóhól er baneitrað í stórum skömmtum og er merkt sem slíkt en langvarandi neysla 1-2 í viku étur þig upp að innan sem utan.“
Hann endaði færslu sína með þessum orðum.
„Að því sögðu þá er ég á fyrsta farrými lífsins og hver vill ekki vera á fyrsta farrými? Ég skrifa þetta af þakklæti og auðmýkt yfir því að skynjun mín hvern dag er ómenguð.“