Miðvikudagur 27. mars, 2024
2.8 C
Reykjavik

Bubbi og Eiríkur lasta og krítísera Jón, ritstjóra Fréttablaðsins: „Djöfulsins kjaftæði“

VefTv

- Auglýsing -

Hlaðvörp

- Auglýsing -

Eiríkur Rögnvaldsson fyrrum prófessor í íslenskri málfræði við Háskóli Íslands og Bubbi Morthens gagnrýna Jón Þórisson, ritstjóra Fréttablaðsins harðlega. Bubbi segir blaðið nánast orðið öfga hægri sinnað. Ástæðuna má rekja til þess að Jón Þórisson, ritstjóri blaðsins , líkti í leiðara vopnaðri árás á þinghúsið í Bandaríkjunum við Búsáhaldarbyltinguna og gerist þar skoðanabróðir Hannesar Hólmstein og Gústafs Níelssonar.

„Afturhaldið er alltaf að endurskrifa söguna. Látum það ekki komast upp með svona djöfuls kjaftæði,“ segir Eiríkur í gagnrýni sinni á Facebook og fjölmargir taka í svipaðan streng í kommentum. Er það helst gagnrýnt að Jón sjái hliðstæðu í Búsáhaldarbyltingunni og í uppþoti og valdaránstilraun forseta Bandaríkjanna, sem jafnframt er yfirmaður þjóðvarnarliðsins er tekst á við óeirðir, í veikri von að halda völdum þvert á niðurstöður lögmætra kosninga.

Þá hefur séra Sigríður Guðmarsdóttir bent á að Trump hafi sigað múg á löggjafarvaldið á einu viðkvæmasta augnabliki lýðræðisins, þegar vald forseta er fært yfir til annars forseta að kjörtímabili loknu. Þá sér Jón Þórisson hliðstæði í framgöngu Álfheiðar Ingadóttur, þá þingmanns í stjórnarandstöðu, sem gerðist sek um það á einum tímapunkti að veifa til mótmælenda. Var það túlkað af sumum að með þessu væri hún að hvetja mótmælendur til dáða eða vísa þeim að þinghúsinu. Álfheiður, sem Jón segir vera landráðamann, var ekki forsprakki mótmælanna. Forsenda þessara tveggja mótmæla eru einnig gjör ólík. Búsáhaldarbyltingin átti sér stað í kjölfar Hrunsins og var byggð á reiði almennings . Mótmælin í Bandaríkjunum eru á forsendum samsæriskenninga um kosningasvik.

Ritstjóri Fréttablaðsins rifjar síðan upp þegar hópur fólks vildi komast á þingpalla en lentu í átökum við lögreglu. Níu voru ákærð en sýknuð og þau komust hvorki inn í þingsal eða settust í stól forseta þingsins eða unnu skemmdarverk inni í sjálfu þinghúsinu. Þykir mörgum það langt seilst hjá Jóni, Hannesi og Gústaf að lýkja þessu saman. Ef tengja eigi atburðina við Íslands, sé það aðeins mögulegt með Jörundi Hundadagakonungi.

Þá er bent á að á Íslandi voru vopnin pottar, pönnur, egg og mjólk. Þá er gagnrýnt harðlega að Jón, ritstjóri Fréttablaðsins, sjái hliðstæðu í Búsáhaldarbyltingunni og mótmælum ytra þar sem dóu fimm manns.

Eiríkur Rögnvaldsson segir:

„Látum það ekki komast upp með svona djöfuls kjaftæði.“

- Auglýsing -

Bubbi Morthens tónlistarmaður tekur til máls og segir: „Sá sem heldur á penna þarna er löngu búin að staðsetja sig sem öfga hægri og skrifar samkvæmt því og stendur keikur með sjálfum sér. Maður verður að virða það en vá hvað ég er sammó.“

Helga Kress prófessor í almennri bókmenntafræði við Háskóla Íslands, tekur í svipaðan streng og segir: „Það er allt svona eftir þennan ritstjóra og ekki einu sinni vel skrifað.“

Þá segir Ólína Þorvarðardóttir, rithöfundur og fyrrverandi þingmaður: „Fréttablaðið er ekki á góðum stað eftir eigendaskiptin.“ Bubbi tjáir sig svo aftur og lokar þræðinum:

„Við getum sagt það sé alla vega orðið æði hægri sinnað, jafnvel öfga hægri.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -