Sunnudagur 4. desember, 2022
-2.2 C
Reykjavik

Dagskrárgerðamaður birti óskalista yfir hjásvæfur: „Eins og gott vín verður hún betri með aldrinum“

Helgarviðtalið

- Auglýsing -

Orðrómur

- Auglýsing -

Upptalning kvenfólks, lýsingar á fasi þeirra, útliti og þokka auk mynd- og nafnabirting á kvenfólkinu undir yfirskriftinni: „TÍU KONUR SEM MIG LANGAR AÐ SOFA HJÁ“ Í Helgarpóstinum 11. maí 1995 var rætt við Hjört Howser, dagskrágerðarmann. Var umfjöllunin um það bil hálf síða og var hún upptalning á tíu konum sem Hjört langaði að sofa hjá. Hjörtur taldi upp konurnar frá einum og upp í tíu og gaf útskýringu á hvers vegna konan fékk téð pláss á listanum hans. Auk fullra nafna voru myndir birtar af andlitum kvennanna og voru enni kvennanna merkt með rauðum tölustaf í samræmi við sæti þeirra á listanum.

„Hjörtur Howser dagskrárgerðarmaður kvað „hjásof“ vera hið mesta prívatmál en ákvað að láta skeika sköpum og klykkti út með því að fyrir hverja konu sem útvalin yrði til upptalningarinnar, væru þrjár aðrar undanskildar. Vildi Hjörtur biðja þær konur afsökunar sem ekki urðu fyrir valinu en nefndi þessar til sögunnar.“

Númer eitt, tvö og þrjú á lista Hjartar var Hanna Valdís. Líkum má leiða að umrædd kona hafi verið kærasta Hjartar.

„HANNA VALDÍS. Hún er stóra ástin í lífi mínu og ég verð eiginlega að a setja hana í fyrsta, annað og þriðja sæti vegna þess að hún á hug minn allan. Allar konur sem á vegi mínum verða þurfa þess vegna að þola samanburð við hana.“

Í fjórða sæti var Sigríður Arnardóttir sem er flestum landmönnum kunn sem Sirrý.

„SIGRÍÐUR ARNARDÓTTIR, dagskrárgerðarmaður og þula. Hún er einstakt augnayndi en ég er hræddur um að hann þarna leikari, kallinn hennar, yrði ekki par hrifinn.“

- Auglýsing -

Fimmta sætið hlaut Unnur Steinsson sem árið 1983 hlaut titilinn fegurðardrottning Íslands. Hjörtur líkir Unni við vín og segir hana batna með árunum:

„UNNUR STEINS hefur alltaf verið flottasta fegurðardrottning Íslands. Og eins og gott vín verður hún betri með aldrinum.“

Sjötta konan á listanum sem Hirti langaði að sænga var:

- Auglýsing -

„INGRID JÓNSDÓTTIR, leikkona. Hef aldrei séð jafn mikinn lífsþrótt og lífsgleði í hreyfingum og fasi hjá nokkurri konu.“

Sjöunda sætið skipaði söng- og tónlistarkonan Ellen Kristjánsdóttir.

„ELLEN KRISTJÁNS. Hef alltaf verið skotinn í henni. (Sorry, Eyþór!!)“

Áttunda sæti listans hlutu hvorki meira né minna en allar stelpurnar á Sólon Íslandus, en samkvæmt útskýringunni sem fylgdi áttu þær allar eitt sameiginlegt:

„AllAR STELPURNAR á Sólon Íslandus, því þær gera svo gott Cappuchino“

Í níunda sætinu var Siv Friðleifsdóttir sem sat á þingi fyrir Framsóknarflokkinn árið 1995.

„SIV FRIÐLEIFSDÓTTIR, koddahjalið gæti þá verið um sjávarútvegsstefnuna og afstöðu lopaflokksins.“

Tíunda konan sem Hjörtur lýsir löngun sinni til að sofa hjá er Bryndís Schram eignkona Jón Baldvins Hannibalssonar:

„BRYNDÍS SCHRAM Nafnið hennar er alltaf rétt svar í Trivial Pursuit, burtséð frá spurningunni! Það segir manni nokkuð.
(10. B sæti: Prestsfrúin á Kópaskeri, ef maður skyldi einhvern tímann verða veðurtepptur!)“

Mynd / Skjáskot af frétt Helgarpóstsins, timarit.is

Óhætt er að fullyrða að töluverð framþróun hefur átt sér stað í jafnréttisbaráttu kynjanna og alls óvíst að í dag fengi slík umfjöllun meðbyr á ritstjórnarfundum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -