Dumbungur og norðangola verða ríkjandi á höfuðborgarsvæðinu í dag, á þjóðhátíðardag Íslendinga, en þó ekki úrhellisrigning eins og vænta má iðulega á afmælisdegi íslenska lýðveldsins. „Við höfum verið í frekar köldu lofti að undanförnu og sú spá heldur sér á 17. júní,“ svarar Haraldur Eiríksson, veðurfræðingur hjá Veðurstofu Íslands. „Það verður örlítið svalt í dag og ástæða til að klæða sig örlítið betur. Það er varla að veðrið nái tíu gráðum en það er róleg norðlæg átt á landinu og skýjaveður verður áfram í borginni.“
Íslenska lýðveldið er 77 ára gamalt í dag: Svona lítur dagskráin út í Reykjavík
Haraldur vill ekki lofa þurrviðri lengur en fram til síðdegis. „Það er ekki útilokað að komi smá dropar seinnipartinn,“ segir veðurfræðingurinn og vísar þar að mestu til höfuðborgarsvæðisins. En á sautjánda júní ganga börn um með uppblásnar blöðrur og því mikilvægt að fá svar veðurfræðings við einni mikilvægustu spurningu dagsins – hvort ætla megi að blöðrur takist á loft og smjúgi úr höndum hátíðargesta eða hvort ætla megi að hattar, höfuðföt og helíumleikföng haldi kyrru fyrir.
Fjallkonan afhjúpuð í fyrramálið: Skartar Binni Glee skautinu á Austurvelli?
„Já, vindurinn er náttúrulega tiltölulega rólegur. Það verður hæg norðangjóla og kaldi í dag og vindur er 3 til 8 metrar á sekúndu. Veðurfar verður skýjað og við getum notað orðið dumbungur yfir hátíðardaginn. Búast má þó við smá skúrum á víð og dreif um landsbyggðina og enn er snjór í Eyjafjöllum, þar sem sennilega verður rigning um tíma ásamt skúrum á Suðurlandi.“ Íslendingar láta þó norðangjóluna vart aftra sér frá fagnaðarlátum dagsins, en hér má lesa dagskránna víðsvegar um landið:
Vestmannaeyjar – 17. júní
Akureyri – 17. júní
Múlaþing – 17. júní
Ísafjörður – 17. júní
Selfoss – 17. júní
Akranes – 17. júní
Suðurnesjabær – 17. júní